聽日 8 月 20 至 23 號,灣仔會展會舉行香港電腦通訊節,簡稱「電腦節」。今年電腦節同以往有點唔同,疫情關係會有人流限制,人數肯定會少咗,但同時另一方面睇,今年另一個唔同之處,在於今年好多都會收電子支付方式,因為今年政府派電子消費劵,好多公司都嚮應。基本入場優惠,我哋之前同大家分享過,不過如果你唔想入場,又有無公司搞網上電腦節優惠呢?

    懶去灣仔香港電腦節 2021?一文即睇 網上電腦節仲有更正優惠

    Lenovo 網上電腦節

    Lenovo 除咗喺電腦節有會場優惠,佢哋自己網店都有搞個 eShop 網上電腦節優惠,去佢哋網店消費會有購物禮券送,買滿 $9000 送 $300,買滿 $12000 送 $600。另外都有啲電腦本身就有優惠價,例如如果你想平平地玩 Chromebook,$2000 都唔使就買到 IdeaPad 3 11 吋嘅 Chromebook。

    而如果你想買部好勁嘅電腦,旗艦級數嘅第三代 ThinkPad X1 Extreme,就減高達 $8888,賣萬六蚊左右,有 15.6 吋大芒,用第 10 代 H 系列高效能嘅 Intel Core i7 處理器,又有 1TB 嘅 SSD 儲存空間以及 32GB RAM,用嚟打機工作甚至有時要剪片輯圖都好好用。

    懶去灣仔香港電腦節 2021?一文即睇 網上電腦節仲有更正優惠

    ElecBoy 電器幫網上電腦電玩節

    除咗 Lenovo,有間網店叫 ElecBoy 電器幫,亦都有推出網上電腦電玩節。電器幫大家可能唔知,睇返佢啲資料其實佢都係屈臣氏集團旗下嘅品牌,即係誠哥嘅,又係豐澤啲 friend 咁囉。咁佢有乜優惠呢?如果你用恆生信用卡買滿 $2000 就可以減 $100,而買電腦產品滿 $800 亦都可以減多 $50。兼且佢哋仲有超過 500 件電腦產品減價,就好似千一蚊買 Lenovo 平板等等啦,仲有一啲 Mouse 呀、Router、電腦芒等等嘅優惠。當然仲有其他優惠,好似每日買滿 $1500 加 $1 換購配件優惠等等。

    懶去灣仔香港電腦節 2021?一文即睇 網上電腦節仲有更正優惠

    轉載自:https://m.eprice.com.hk/nb/talk/1143/28097/1/